Sena ameriken an mande pou soutni Repiblik Dominikèn nan lit l ap mennen pou estabilite retounen an Ayiti 

Pooshy Rosana
Pooshy Rosana  - Rédacteur
sena ameriken an mande pou soutni repiblik dominikèn nan lit l ap mennen pou estabilite retounen an ayiti

Sena peyi Lèzetazini eksprime l sou nesesite ki genyen pou ogmante sipò yo bay Repiblik Dominikèn ak tout lòt patnè entènasyonal yo nan lit y ap mennen pou ankouraje estabilite tounen nan peyi a, rezoud kriz imanitè Ayiti ap konfwonte depi kèk tan, ak fasilite yon solisyon politik pèp ayisyen an sipòte. 

Chanm wot la pran desizyon sila nan yon rezolisyon Anbasad dominiken Ozetazini a pibliye. Lejislatè ameriken yo fè plizyè rekòmandasyon pou trete kesyon kriz k ap travèse peyi d Ayiti aktyèlman an, epi pou ranfòse koperasyon ki genyen ant Lèzetazini ak Repiblik dominikèn. 

- Advertisement -
Ad imageAd image

Senatè yo mande pou Depatman d Eta ameriken an ak Ajans Etazini pou Devlopman Entènasyonal (USAID) kontinye soutni jefò Repiblik dominikèn ap fè pou reponn ak bezwen imanitè migran ayisyen yo. 

Menm rezolisyon sila endike kriz imanitè a an Ayiti, kriminalite ki tout kote sou teritwa a, vyolans gang yo ak enstabilite k ap renye pa bò isit : tout reprezante yon risk pou Repiblik dominikèn. Sa yo tou teste kapasite l pou reponn ak bezwen imanitè migran ayisyen k ap sove kite peyi yo pou rantre ilegalman sou teritwa dominiken an. 

Senatè ameriken yo salye jefò prezidan Repiblik dominikèn nan, Luis Abinader, nan zafè sila, epi nan batay l ap mennen pou ranfòse endepandans politik biwo pwokirè jeneral la ak “enstitisyonalize” refòm anti koripsyon yo. 

Anbasad Repiblik dominikèn Ozetazini deklare dokiman li a jwenn sipò ni senatè demokrat ak repibliken yo. Epi li ranfòse lyen ant 2 peyi yo. 

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.