Sèvis Nasyonal Jesyon Fatra Solid (SNGRS) an Ayiti kounye a anba envestigasyon, apre akizasyon sou move jesyon ak koripsyon. Ankèt sa gen pou objektif fè limyè sou pratik operasyon SNGRS yo epi pou detèmine si te gen vyolasyon règ etik ak legal, aprè plizyè machin disparèt.
Vrèman vre, aprè denonsyasyon dezapwòpman anpil machin lou nan Leta, ULCC te fè yon entèvansyon nan SNGRS pou fè envantè fizik byen piblik sa yo ayè madi 14 jen 2023 a.
Se poutèt sa, yon envestigasyon fèt nan objektif pou retrase yo ak detèmine responsablite yo.
Daprè sa plizyè sous rapòte redaksyon nou an, anpil machin ki te anndan SNGRS disparèt.
N ap raple, SNGRS te kreye nan objektif pou tabli yon sistèm jesyon dechè solid ki efikas atravè peyi a. Sepandan, nan dènye mwa yo, yo te ogmante enkyetid yo sou transparans ak efikasite òganizasyon an.
