ULCC anonse yon ankèt sou patrimwàn majistra ki pa sètifye yo 

Jacky Chery
Jacky Chery  - Rédacteur
ulcc anonse yon ankèt sou patrimwàn majistra ki pa sètifye yo 

Aprè piblikasyon lis CSPJ an ki gen non majistra nan sistèm jidisyè ayisyen an ki pa sètifye yo, Inite lit kont koripsyon atravè Direktè jeneral li, Hans Jacques Ludwig Joseph, anonse ouvèti yon ankèt sou patrimwàn konsène yo. 

Nan yon nòt enfòmasyon ki pote dat 20 janvye 2023, ULCC enfòme piblik la an jeneral sou yon ankèt ki pral gen pou ouvri sou tout byen majistra sa yo Konsèy siperyè pouvwa jidisyè a pa sètifye nan dènye tretman dosye yo ki te reyalize pandan fen ane 2022 an. 

- Advertisement -
Ad imageAd image

Majistra sa yo ki yon total 28 nan lis sa CSPJ transmèt bay Ministè jistis ak sekirite piblik pou swivi yo, pa sètifye pou absans entegrite moral daprè pwosè vèbal ki drese sou dosye sa. 

Sou baz repwòch Konsèy siperyè pouvwa jidisyè a fè majistra sa yo, Inite lit kont koripsyon anonse ouvèti ankèt sa sou patrimwàn konsène yo pou gade si se pa nan koripsyon yo rive posede byen yo genyen yo. 

ULCC, nan nòt sa, envite tout moun ki ta gen enfòmasyon sou majistra sa yo pou pataje ak enstitisyon an atravè liy telefòn 5656 la, adrès elektwonik ki disponib pou sa, oubyen bwat alèt antikoripsyon yo ki nan divès enstitisyon piblik. 

Daprè CSPJ, non-sètifikasyon majistra sa yo nan sistèm jidisyè ayisyen an vini aprè denonsyasyon ki sòti tribòbabò kont diferan jij sa yo ki ta enplike nan tout kalite malvèzasyon. 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.