ULCC mande bank yo pou pran sanksyon kont ansyen direktè Dwàn Romel Bell ak tout madanm li

Pooshy Rosana
Pooshy Rosana  - Rédacteur
ulcc mande bank yo pou pran sanksyon kont ansyen direktè dwàn romel bell ak tout madanm li

Inite Lit Kont Koripsyon (ULCC) suit ak divès ankèt li mennen, mande enstitisyon bankè yo pou yo friz byen ak avwa ansyen direktè Dwàn Romel Bell ak tout madanm li, Anna Dorvil Bell, ki fèt Anna Dorvil. Yon mezi ki sipoze vize tou òganizasyon ak antrepriz 2 moun sila yo genyen. Daprè direktè jeneral ULCC a, Mèt Hans Jacques Ludwig Joseph, Romel Bell ak tout madanm li itilize antrepriz yo genyen pou blanchi bon kantite lajan ak lòt bagay ki sòti nan move zafè epi transfere kòb yo Ozetazini.

Wi, nan sans sa òganizasyon ak antrepriz tankou « Renmen Timoun yo », « A&L Distribution », ak « Génération de la ronde FM » ki pou 2 moun yo, konsène pa mezi konsèvatwa sa yo tou. Rekèt pou bloke byen ansyen titilè AGD a ak madanm li a se pou pèmèt Leta ayisyen mete anba kontwòl lajistis tout byen moun sila yo rive fè nan sak pa sa.

- Advertisement -
Ad imageAd image

Mèt Hans Jacques Ludwig Joseph bay bank yo ak lòt enstitisyon finansye yo gwo presyon, li raple yo si yo pa koube anba demand sila yo, y ap pousib yo devan lajistis paske yo « fasilite » blanchi pwodui ki sot nan krim. Jan atik 5.3 lalwa 12 mas 2014 ki pote sou prevansyon ak koripsyon di sa.

N ap raple byen Romel Bell te deja genyen divès mezi ki adopte kont li pou koripsyon. Premyèman, Etazini te revoke viza li an me 2022 anvan li te mawon, aprè sa ULCC te pran ka a an chaj. Jou ki te 9 desanm nan, Etazini t ap pral sanksyone yon lòt fwa ankò ansyen egzekitif AGD a ak yon manm fanmi li, yo te akize paske yo te itilize pozisyon yo pou te angaje yo nan aktivite koripsyon ki te pote atent ak entegrite gouvènman ayisyen an.

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.