Yon dizèn chofè machin pèdi lavi yo, bilan sektè transpò a pou ane 2022 an 

Jacky Chery
Jacky Chery  - Rédacteur
yon dizèn chofè machin pèdi lavi yo, bilan sektè transpò a pou ane 2022 an

Ane a sanse fini, se moman pou bilan nan divès sektè aktivite. Ayiti globalman konnen yon ane 2022 katastwofik. Sektè transpò a anrejistre yon dizèn chofè ak pasajè ki pèdi lavi yo akoz ensekirite an, san konte divès ka kidnapin yo. 

Asosyasyon pwopriyetè ak chofè yo an Ayiti (APCH) drese yon bilan katastwofik pou ane 2022 an kote genyen pou pi piti 15 chofè machin ki pèdi lavi yo nan peyi an akoz fenomèn ensekirite an k ap vale tèren sou teritwa nasyonal la. 

- Advertisement -
Ad imageAd image

Nan bilan sa Prezidan APCH la, Méhu Changeux, prezante an nan tèt kole ak lòt sendika nan sektè transpò a tankou FENATRATH, genyen sòti janvye pou rive desanm 2022 an plis pase yon dizèn chofè ak pasajè ki viktim agresyon gang yo nan divès rejyon nan peyi an. 

Daprè sendikalis la, pandan ane 2022 an, genyen 15 chofè ki pèdi lavi yo, 9 lòt ki blese, 132 ka kidnapin ki fèt sou chofè ak pasajè avèk liberasyon kont ranson. Nan kad menm bilan sa, Méhu Changeux souliye divès ka detounman kamyon machandiz ak machin ki boule. 

Pou ane 2022 an, sektè transpò a anrejistre 64 kamyon bandi detounen kote mèt machin sa yo oblije peye pou pran yo, 23 machin transpò bandi nan kapital la vòlè ak 74 lòt endividi ak move entansyon sa yo pase anba dife. 

Méhu Changeux souliye kidnapin ki fèt pandan ane an sou sendikalis senyò nan sektè transpò a ki se Paul Loulou Chery ak Ginette Appolon, san bliye de lòt ki asansinen ki se Christmane Disposé ak Sainavalis Pascal. 

 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.