Yon foto Messi k ap leve twofe koupdimonn lan bat rekò foto ki gen plis like sou Instagram

Sam Sarah Devilus
Sam Sarah Devilus  - Rédactrice
yon foto messi k ap leve twofe koupdimonn lan bat rekò foto ki gen plis like sou instagram

Aprè li fin chanpyon di monn avèk peyi l Ajantin, Messi ta pral bat yon rekò sou Instagram : atakan an poste yon foto l kote l ap leve twofe koupdimonn lan. Foto sa bat rekò foto ki gen plis « Like » sou rezo sosyal la. 

Chita sou zepòl ansyen koyekipye li Sergio Agüero ki paka jwe foutbòl ankò akoz powoblèm kadyak li genyen, twofe li nan men l, li leve l montre tout moun pandan l ap souri, se foto sa Lionel Messi poste sou Instagram, aprè li fin chanpyon di monn nan peyi Kata. Messi ak konpayèl li yo te rive jouk nan seyans tire pennal, pou yo te rache viktwa sa devan ekip Fransè a. 

- Advertisement -
Ad imageAd image

Nan moman atik sa ap ekri la, foto sa deja fè plis pase 59 milyon likes, e li vin detwone foto yon ze ki te kenbe rekò sa depi lane 2019 sou Instagram. Foto ze sa te rekolte 56,4 milyon likes. 

Sa pa rete la, ant dimanch aprè Messi fin pran sèl grenn twofe ki te manke nan palmarès li a, ak jodi madi 20 desanm nan, kantite falowèz li sou enstagram te ogmante tou. Pandan atik sa ap ekri la, 7 balon dò a déja genyen 400 milyon abone sou instagram, e li tou vin dezyèm moun ki gen plis abone sou rezo sosyal sa. Li dèyè Cristiano Ronaldo ki pou kounya genyen 518 milyon.  

Foto Messi te fè nan mwa novanm ki sot pase la pou mak Liks Louis Vuitton ki te mete l tèt a tèt avèk Omològ Pòtigè li a, te fè anpil pale, anpil lank koule epi te rekolte anpil like, men pa pase foto Leo Messi ak twofe koupdimonn lan.  

Facebook Comments

- Advertisement -
Partagez cet article
Sam Sarah Devilus
Par Sam Sarah Devilus Rédactrice
Follow:
Journaliste / Communicatrice / Bookstagrameuse.