2 ansyen minis gouvènman Ariel Henry a anba sanksyon Kanada 

Jacky Chery
Jacky Chery  - Rédacteur
2 ansyen minis gouvènman ariel henry a anba sanksyon kanada 

Gouvènman kanadyen an mete anba sanksyon Berto Dorcé ak Liszt Quitel, de ansyen minis gouvènman Ariel Henry an, pou enplikasyon yo nan zak koripsyon ak lyen yo devlope ak gang ame an Ayiti. 

Nan yon kominike ki pibliye jodi madi 20 desanm 2022 an, Ministè kanadyen afè etranje a anonse sanksyon ki pran kont de ansyen minis sa yo ki pa p kapab rantre sou teritwa kanadyen an jan lwa sou imigrasyon ak pwoteksyon refijye yo mande sa. 

- Advertisement -
Ad imageAd image

Berto Dorcé ak Liszt Quitel ki te respektivman okipe fonksyon Minis jistis ak minis enteryè nan gouvènman Ariel Henry an, pa p ka fè okenn operasyon finansye sou teritwa kanadyen an daprè kominike sa ki pote siyati Minis kanadyen afè etranje a, Mélanie Joly. 

Daprè minis Mélanie Joly, de ansyen gwo responsab Leta ayisyen sa yo ta itilize pozisyon yo nan peyi a pou pwoteje ak pèmèt aktivite ilegal gang kriminèl yo an Ayiti, sitou blanchiman lajan ak lòt zak koripsyon. 

Nan menm liy sa, gouvènman kanadyen an te deja pran sanksyon kont plizyè manm elit politik ak ekonomik la nan peyi d Ayiti pou enplikasyon yo nan finanse ak alimante aktivite kriminèl yo nan peyi a. 

 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.