Yon nouvèl tris pou monn foutbòl la ki pèdi Pelé

Jacky Chery
Jacky Chery  - Rédacteur
yon nouvèl tris pou mond foutbòl la ki pèdi pelé(1)

Lejann brezilyen an ki t ap soufri ak yon kansè nan «côlon»,  medsen yo te detekte depi septanm 2021, rann dènye souf li jounen jedi 29 desanm lan sou kabann lopital daprè fanmi an ki konfime nouvèl la.

Ansyen entènasyonal brezilyen an ki te etène depi mwa novanm pase a nan lopital Albert Einstein ki twouve l Sao Paolo nan peyi Brezil mouri jodi jedi an aprè medsen yo te fin konstate yon degradasyon nan eta sante l dènye jou sa yo.

- Advertisement -
Ad imageAd image

Pelé ki gen 82 lane mouri jounen 29 desanm 2022 an nan lopital Albert Einstein kote li t ap pran swen an prezans fanmi li ki te la pou asiste l nan dènye moman vivan li yo. Lejann brezilyen an t ap soufri ak yon kansè nan «côlon» mele ak yon ensifizans renal.

Sou rezo sosyal yo, fanmi Pelé ki te la ak li nan lopital Albert Einstein lan, pibliye yon kominike pou anonse nouvèl lanmò lejann brezilyen an e di mèsi ak tout moun ki t ap sipòte Pelé nan moman maladi sa ki finalman pote l ale.

Nan entèval dezan, mond foutbòl la pèdi 2 nan pi gwo jwè tout istwa l. Aprè lanmò Diego Maradona 25 novanm 2020, Edson Arantes do Nascimento moun plis konnen sou non Pelé mouri jedi 29 desanm lan akoz yon maladi kansè.

Malgre deteryorasyon nan eta sante l ki te mete l sou kabann lopital depi mwa novanm pase a, Pelé rann dènye soupi li jounen jodia aprè li te jwenn chans asiste mondyal la nan peyi Kata kote Ajantin chanpyon avèk Messi epi Neymar ki rejwenn li kòm jwè ki fè plis gòl ak seleksyon Brezil la 97.

Li enpòtan pou n raple jiska jounen jodia, Pelé rete sèl jwè nan tout istwa foutbòl la ki ranpòte twa mondyal. Lejann brezilyen an ki te chanpyon nan lane 1958 a 17 lane, ta pral genyen 2 lòt mondyal ak seleksyon Brezil la nan lane 1962 ak 1970.

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.