Aksyon sila pase nan peyi Mozanbik. Yon pastè 39 lane mouri aprè l te fin eseye fè 40 jou jèn san manje ak bwè nan lide pou te kopye Jezikris ki te fè sa daprè sa labib fè konnen.
Francisco Barajah, se non pastè legliz sila ki rann dènye souf li pandan yon jèn 40 jou san manje ak bwè. Malerezman li pa gentan rive akonpli volonte l, li mouri sou 25 jou.
Plizyè medya entènasyonal rapòte nonm nan te tèlman vin mèg tankou tako li pa t menm ka kanpe sou 2 pye l. Yo te transfere l nan yon lopital nan vil Beira, peyi Mozanbik, kote yo dyagnostike l yon anemi egi, mete sou ògàn dijestif li yo te gentan bay vag.
Medsen ki te sou li yo te eseye mete dlo nan kò l gras ak sewòm, epi ba li manje likid, malerezman li pa chape. Pastè Barajah mouri ak 39 lane sou kabann lopital nan eseye fè 40 jou jèn san manje ak bwè menm jan ak Jezi.
Facebook Comments