Zanetti pa kwè Messi depase Maradona  

Jephte Pascal
Jephte Pascal  - Rédacteur
zanetti pa kwè messi depase maradona  

Daprè anpil moun, Messi vini pi gwo foutbolè mond sa pa janm konnen aprè tit Mondyal li pran an. Sepandan, Javier Zanetti pa pataje avi sa. Pou li menm, pa dwe gen konparezon ant Maradona ak Messi. 

Etènèl deba sou pi gwo jwè pou tout istwa foutbòl la fèmen selon anpil moun. Messi kraze tout bagay e pa gen pou li ankò. Ansyen entènasyonal Ajaten an, Javier Zanetti pa dakò ak ide sa. Li panse Maradona toujou chita kòtakòt ak Messi nan panteyon foutbòl la. 

- Advertisement -
Ad imageAd image

Pou ansyen kapitèn Inter Milan an, yon triyonf nan Koupdimonn pa ase pou yo plase Messi devan Maradona. Lè yo di l Messi pi gran jwè kounya, li reponn : « Non, pa pou mwen. M pa renmen konparezon an » avan l te pouswiv « Nou dwe rekonesan paske 2 pi gran jwè yo se Ajanten ».  

Defansè lejandè a te kontinye pou l di « M pa panse Messi chanje. M panse li vin pi mati e li te kapab transmèt lidèchip li bay gwoup la nan moman sa ». 36 lane aprè, Messi fè mas lò a retounen an Ajantin. Dènye a, se te Maradona ki te bay li nan lane 1986. 

 Toutfwa, Zanetti pa t kache lajwa l aprè tit sa : « Se anpil gwo emosyon mesye yo ban nou paske nou t ap tann tit sa lontan. M panse yo reyalize rèv yon pakèt milyon Ajaten ki nan tout mond lan ». Tout Ajaten yo t ap tann moman sa, li rive anfen. 

 

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.