ANAMAH mande òganizasyon odyans espasyal pou diminye kantite moun ki nan prizon yo 

Jacky Chery
Jacky Chery
anamah mande òganizasyon odyans espasyal pou diminye kantite moun ki nan prizon yo 
Écoutez cet article

Fas ak sitiyasyon prizonye yo nan divès prizon yo nan peyi a, asosyasyon nasyonal majistra ayisyen yo (ANAMAH) mande aktè ki konsène yo pou òganize de odyans espesyal pou kapab redwi nan gwo kantite moun ki anndan prizon yo. 

Nan yon kominike pou laprès ki pibliye jounen madi 11 oktòb 2022 an, Asosyasyon nasyonal majistra ayisyen yo denonse move kondisyon detansyon prizonye yo anndan prizon yo ki, dènye jou sa yo, ap fè fas ak kolera kote plizyè nan yo deja mouri, anba je otorite yo. 

- Advertisement -
Ad imageAd image

ANAMAH envite imedyatman Konsèy siperyè pouvwa jidisyè a, Dwayen tribinal prensipal jiridiksyon yo, Ministè jistis ak sekirite piblik, pou yo fè tout sak depann de yo, nan lide pou òganize odyans espesyal k ap fasilite moun ki nan prizon san rezon yo rantre lakay yo. 

Asosyasyon majistra a pwopoze egalman pou dabò gen yon triyaj ki fèt, aprè pou fikse estati moun ki nan prizon yo, epi pou plase kondane yo nan kondisyon ki respekte diyite moun pou kapab pije pèn yo. 

L’association nasyonal majistra ayisyen yo di li detèmine pou aji nan limit enfliyans li, kòm gwoup presyon, pou odyans sa yo kapab òganize rapidman nan divès jiridiksyon ki gen anndan peyi a. 

Asosyasyon majistra yo envite òganizasyon dwa moun yo, kòporasyon Bawo yo ki nan peyi a, pou yo pa bay legen nan kad batay k ap mennen kont detansyon prevantiv pwolonje anndan prizon yo an Ayiti. 

Daprè done ki disponib yo, sèlman penitansye nasyonal, pi gwo sant kaseral ki gen anndan peyi a, gen anviwon 10,000 moun alòske se yon espas ki te konstwi pou prèske 700 moun. 

 

Facebook Comments

- Advertisement -
Partagez cet article
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.