Antèman Odette Roy Fombrun chante nan legliz Senpyè

Jacky Chery
Jacky Chery  - Rédacteur
antèman odette roy fombrun chante nan legliz senpyè

Seremoni fineray istoryèn Odette Roy Fombrun chante jodi madi 27 desanm 2022 an nan legliz Senpyè nan Petyonvil kote pwòch fanmi an ak anpil gwo pèsonalite nan lavi sosyal ak politik anndan peyi a te vin rann li yon dènye omaj. 

Ekriven Odette Roy Fombrun ki te mouri jedi 23 desanm ki sot pase an resevwa yon dènye omaj nan legliz Senpyè Petyonvil avèk fineray yo Monseyè Pierre André Dumas selebre an prezans Premye minis lan Ariel Henry ki te vin asiste. 

- Advertisement -
Ad imageAd image

Divès figi nan elit politik la te egalman asiste ak seremoni fineray yo ki te fikse pou 11è madi 27 desanm 2022 an. Mirlande Hyppolite Manigat, ansyen kandida pou pòs prezidan, te pami pèsonalite ki gen non nan sosyete a ki te prezan. 

Monseyè Pierre André Dumas, nan selebrasyon sa, te rekòmande yon plas nan MUPANAH pou Odette Roy Fombrun ki, nan fason pa l, te sèvi sosyete ayisyèn lan. Kòm edikatris, Madam Fombrun se otè liv sa ki sèvi nan klas fondamantal yo ki pote non « Nous les citoyens de demain ». 

Dwayèn ayisyèn lan ki te fèt nan dat 13 jen 1917, de lane aprè okipasyon amerikèn 1915 yo, mouri a 105 lane, trankilman lakay li, pou n repete pawòl pitit fi l Marie Claude Bayard te pataje sou rezo sosyal yo. 

Odette Roy Fombrun ale pou fen ane 2022 an e kite dèyè l yon peyi tèt anba kote pratikman anyen pa p mache. Ekriven an ki pa t janm yon manm aktif nan lavi politik anndan peyi an pa t sispann reve yon Ayiti meyè. 

 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.