“Antoloji teyat Mapou” yon bèl vwayaj nan lang Kreyòl la 

Kethia Saint Marc
Kethia Saint Marc  - Rédactrice
antoloji teyat mapou yon bèl vwayaj nan lang kreyòl la 

Antoloji teyat Mapou pwopoze non sèlman yon vwayaj rich, plen sipriz ak emosyon nan yon echantiyon kontribiye fondamantal Jean-Marie Willer Denis ( Jan Mapou) nan mond teyatral ayisyen an, men tou pèmèt nou gen yon lide tou piti, men enpòtan, sou katafal efò sosyete koukouy kòm pi ayisyen pa sispann deplwaye depi lane 1965 pou flerizman yon literati natif natal pi enganm, bi bòzò. 

Yon literati ayisyen k ap danse men nan men, menm konpa ak nanm oubyen idantite kiltirèl pèp ayisyen an. Pi plis toujou, seleksyon tèks ekriven an pote ban nou nan antoloji 369 paj sila a ban nou yon flach entèresan sou evolisyon ak richès divèsifye teyat ayisyen an, sou fason teyat sa a te konn simen payèt lajman laj bay kalinda tribòpabò nan dyaspora ayisyen an, prensipalman nan Nouyòk ak Miyami nan fen ventyèm syèk la sitou. 

- Advertisement -
Ad imageAd image

Pibliye nan ane 2022 a sou lobedyans Sosyete Koukouy, Antoloji teyat Mapou ranmase senk (5) pyès teyat Jan Mapou pou evite n vwayaje nan yon tan, nan yon epòk, nan yon lang, nan yon kilti, nan yon teknik ekri teyatral ki gen rasin li plonje byen fon nan teyori operasyonalis la. Nan liv la, nou jwenn :  

Anba lakay (1988), Maryaj daso (1989), Lanmò Jozafa, Libète ou lanmò (1991) epi mèt Lawouze (2010) ki se yon adaptasyon Kreyòl ” Gouverneurs de la rosée”, Yon woman ekriven ayisyen Jacques Roumain. Jan Mapou presize dènye travay Sila a jwenn asistans Paula C. Péan. 

Ann li yon ekstrè nan koze aktè chantè Frantz kiki Wainwright ekri pou l prezante liv la. ” Nan antoloji sa a Jan Mapou ofri nou, n ap jwenn senk Teyat Total men se pa senk grenn pyès teyat sèlman Mapou mete sou sèn. Li dwe prezante plis pase kenz pyès teyat ak sosyete koukouy, men se senk li chwazi paske se yo ki plis genyen kout plim li, se yo nou ta di ki mak fabrik li. 

” Pi devan, komedyen an raple n : Teyat Koukouy yo pase nan moul, se yon travay ki fèt an ekip. Se konsa Mouvman Kreyòl Sosyete Koukouy la te toujou konn travay. Yo te swiv travay pyonye yo, tankou : Pyè Legba ak Robert Beauduy. Mapou pa devye li 

de prensip sa yo. Se sa ki fè teyat popilè a, teyat rasin nan, teyat total la gen pou li viv lontan paske daprè otè a li satisfè mas popilè yo, paske se yon teyat popilè k ap pale jistis. 

 

Facebook Comments

- Advertisement -
Partagez cet article
Kethia Saint Marc
Par Kethia Saint Marc Rédactrice
Follow:
Journaliste rédactrice, institutrice, maîtresse de cérémonie, diplômée en informatique ,passionnée de la présentation ainsi que l'animation.