«Ayiti», yon setyèm albòm pou Jean Jean Roosevelt 

Jacky Chery
Jacky Chery  - Rédacteur
«ayiti», yon setyèm albòm pou jean jean roosevelt 

3 lane aprè « Grenadye Alaso », Jean Jean Roosevelt sòti nan dat premye janvye ki sot pase a setyèm albòm li ki gen pou tit «Ayiti». Yon pwojè ki disponib depi deja yon semèn sou divès platfòm mizik yo kote anpil moun deja kòmanse konsome l, daprè sa li konfye ak redaksyon an. 

Nouvo albòm sa ki genyen trèz mizik sou li, sòti nan okazyon selebrasyon 219èm ane endepandans peyi an avèk pou prensipal objektif reveye konsyans ayisyen yo, fè yo sonje kiyès yo ye, epi fè pwomosyon pou inite nan mitan yo, eksplikasyon Jean Jean Roosevelt sou chwa «Ayiti» kòm tit pwojè sa. 

- Advertisement -
Ad imageAd image

Lòt rezon ki mansyone sou chwa «Ayiti» an, se kapab atire atansyon yon bon pati nan mond lan ki, daprè sa l fè konprann, pa di verite tout bon sou sa k ap pase nan peyi an, pandan l pwofite pou raple responsablite kominote entènasyonal la nan sitiyasyon kriz Ayiti ye jounen jodia. 

Yon pwojè ki rive abouti aprè anviwon kat mwa travay san pran souf anndan peyi an, sòti mwa dawout pou rive desanm, nan yon kontèks sosyopolitik difisil avèk prensipalman evènman peyi lòk ak ratman gaz yo, presize Jean Jean Roosevelt ki salye sakrifis ekip ki te travay avè l nan reyalizasyon albòm sa. 

Yon setyèm albòm ki pa diferan de sa avan yo kote Jean Jean Roosevelt, atravè diferan tèks anndan pwojè sa, angaje l kòm sitwayen nan yon kontèks kote pratikman anyen pa p fonksyone nan peyi an. 

«Ayiti», yon albòm ki rive nan bon moman l kote otè an, Jean Jean Roosevelt, swete ayisyen ap kapab sispann sal imaj ayisyen parèy li, sispann goumen antre yo, epi swiv modèl zanzèt nou yo ki te ini fòs yo pou te ka montre n chimen an. 

Jean Jean Roosevelt gran piblik la ta pral dekouvri avèk mizik sa li te fè pou konkou «Miss Videomax» nan kòmansman ane 2000 yo, reprezante jounen jodia yon fyète pou peyi an, prensipalman pou mond mizikal ayisyen an, kote tout kote l pase li pa janm sispann valorize «Ayiti». 

 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.