Arestasyon yon polisye ak yon ansyen militè nan kad dosye asasina Jovenel Moïse la 

Jacky Chery
Jacky Chery  - Rédacteur
arestasyon yon polisye ak yon ansyen militè nan kad dosye asasina jovenel moïse la 

Lapolis mete lapat sou 2 nouvo moun ki sispèk nan asasina ansyen prezidan Jovenel Moïse la. Faustin Miradieu ki se yon ansyen militè ak Emmanuel Louis, enspektè divizyonè, jwenn arestasyon yo nan kad dosye sa. 

Sou rezo sosyal yo, Biwo kominikasyon ak relasyon piblik Lapolis la enfòme arestasyon de endividi sa yo ki ta enplike nan lanmò ansyen Chèf Leta a. Faustin Miradieu, chèf sekirite yon antrepriz komèsyal ak Emmanuel Louis, yon polisye k ap travay nan komisarya Dèlma 33 a. 

- Advertisement -
Ad imageAd image

Nan kad ankèt k ap rapouswiv sou asasina ansyen prezidan an sou demann jij k ap mennen dosye a, Walter W. Voltaire, Direksyon santral polis jidisyè arete 2 endividi sa yo pou enplikasyon yo nan lanmò prezidan an, lakay li, nan Pèleren 5. 

Daprè Lapolis la, de endividi sa yo ta patisipe nan planifikasyon asasina sa a ki te rive fèt nan dat 7 jiyè 2021 an. 

Nou fouy ki fèt nan kay youn nan sispèk yo, Lapolis fè konnen yo jwenn plizyè materyèl pami yo 3 pèmi pou pote zam ki sou non ansyen senatè Jhon Joël Joseph ki te deja jwenn arestasyon l nan menm dosye sa. 

Daprè Lapolis, genyen onz lòt polisye ki gen avi rechèch dèyè yo aprè manda jij enstriksyon k ap mennen dosye a te mete dèyè yo pou enplikasyon yo nan dosye sa ki nan men lajistis depi plis pase yon lane. 

 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.