Defansè yo desizif anpil pou Lafrans nan demifinal Koupdimonn  

Jephte Pascal
Jephte Pascal  - Rédacteur
defansè yo desizif anpil pou lafrans nan demifinal koupdimonn  

Nan demifinal Lafrans t ap jwe kont Mawòk la, se Theo Hernandez ki louvri eskò a pou Lafrans. Se twazyèm defansè ki pote gwo konstribisyon nan demifinal Mondyal pou peyi Lafrans. 

Lateral goch ekip Lafrans lan, Théo Hernandez te bezwen sèlman 4 minit pou l te lanse bal la devan Mawòk nan demifinal Mondyal FIFA Kata 2022 a. Non sèlman se youn nan gòl ki pi rapid nan koze dènye kare Koupdimonn, men se yon gòl ki montre jan defansè yo renmen desizif pou Lafrans nan faz sa. 

- Advertisement -
Ad imageAd image

Listwa lanmou ant demifinal Koupdimonn ak defansè Lafrans yo te kòmanse nan lane 1998, lè Fransè yo ta pral pran premye tit yo. Nan match sa, se Lilian Thuram ki te fè yon double pou voye Ble yo al jwe final. Thuram pa t janm enskri okenn lòt gòl pou peyi l ni avan ni aprè sa. 

Istwa a pa t kanpe la, paske dezyèm chapit la ta pral ekri avèk Samuel Umtiti nan lane 2018. Pou demifinal Koupdimonn ki te fèt Larisi a, Lafrans t ap mezire fòs li ak Bèljik. Se yon grenn gòl Umtiti te fè ak tèt li ki te bay jwè Didier Deschamps yo kalifikasyon yo pou final. 

Sou 6 dènye gòl Lafrans make nan sa ki gen pou wè ak demifinal Mondyal, defansè yo make 4 ladan yo. 2 dènye fwa defansè yo ede Lafrans nan demifinal Mondyal la, Ble yo toujou ranpòte tit la. Èske sa pral pase menm jan pou Fransè yo dimanch k ap vini la a ? 

 

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.