Eric Stromayer : « Se otorite yo Ayiti ki pou pran sanksyon kont minis Lèzetazini sanksyone yo » 

Pooshy Rosana
Pooshy Rosana
eric stromayer « se otorite yo ayiti ki pou pran sanksyon kont minis lèzetazini sanksyone yo » 
Écoutez cet article

Chaje dafè ameriken Eric Stromayer kontinye fè entèvansyon sou sitiyasyon sosyo politik ak sekiritè k ap travèse peyi a aktyèlman. Aprè l te fin anonse sanksyon gouvènman ameriken an te pran kont plizyè responsab lokal ki fè pati gouvènman Ariel Henry a, pami kèk lòt, pou kounya li anonse kiyès ki ta dwe fè swivi yo. 

Diplomat ameriken an, nan yon chita pale ak jounalis Frantz Duval k ap travay pou jounal Le Nouvelliste ak radyo Magik9, deklare Lèzetazini fè travay pa l la deja, kounya se tou pa gouvènman ayisyen pou fè rès la. 

- Advertisement -
Ad imageAd image

« Se yon reyalite. Nou pran yon seri desizyon. Nou pa t site okenn non. Moun ki konsène yo ka depoze reklamasyon yo. Nou gen rezon pou nou pran desizyon nou. Se ant nou menm ak moun ki konsène yo », se deklarasyon Mesye Stromayer, san l pa site non pyès minis gouvènman Ariel Henry a yo bloke viza yo, pami kèk lòt mezi. 

Toutfwa li fè konnen Lèzetazini pran pozisyon sa akòz jan bagay yo ap dewoule nan peyi d Ayiti aktyèlman. 

“Nou pat ka ret ap gade konsa, fòk nou te aji. Jan sistèm jistis nou an ye a l ap pran tan pou n idantifye ka presi yo epi mobilize tout sistèm nan pou pran sanksyon kont konsène yo.” 

Pou Chaje dafè ameriken an sanksyon sila yo se yon mannyè pou idantifye move fòs ki mennen Ayiti kote l ye aktyèlman. Se yon mannyè tou pou wè si yo ka fè yo chanje konpòtman. 

N ap raple sekretè Deta Etazini an, Antony Blinken, nan yon deklarasyon ki gen tit « Mezi pou abòde sitiyasyon imanitè ak sekirite a an Ayiti », te anonse, nan jou ki te mèkredi 12 oktòb 2022 a, deplwaman yon « asistans sekirite pou lapolis la », restriksyon viza kont ofisyèl ayisyen ak moun ki gen men tranpe nan move zafè an Ayiti epi k ap sipòte gang yo. Si genyen non plizyè minis ki deja site nan zafè sila, poko genyen okenn lis ofisyèl ki pibliye piblikman pa bò kote Lèzetazini. 

 

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.