NETALKOLE

Èske yon nèg ti bwa ka satisfè yon fanm ?

Èske yon nèg ti bwa ka satisfè yon fanm ? 
play icon Èske yon nèg ti bwa ka satisfè yon fanm ?Écoutez cet article

 

Nan koze plimen, sa yo rele fè sèks oubyen fè bagay la, gen yon gwo konplèks mesye yo konn genyen ki se gwosè pati jenital yo, sa nou konn rele bwa oubyen peni an. Mesye yo konn panse yo pap byen bay sèvis si peni an piti, yo konn panse yo pa satisfè fi a tout bon. Ann al gade si yo gen rezon… 

Gwo peni, ti peni ? Premye bagay pou n konsidere, nan zafè sèks, peni an se yon zouti donk li la pou sèvi e itil nan sans li dwe bay sèvis la. Si anpil moun konprann yon nèg ti peni pa ka bay bon jan plezi nan fè sèks, yo nan gwo konfizyon. 

Dezyèm bagay la se aprann konnen kilè gwosè peni an nòmal, nan zafè biyoloji ak lasyans. An reyalite, yon peni gen yon tay ki nòmal pou lè l lage ak yon lòt tay ki nòmal ankò lè l kanpe, sa yo rele bande a. Gen moun li ka nan 8 santimèt longè lè l lage, ki pa yon anomali, lè l kanpe li ka rive nan 11 a 12 santimèt yo, se sa kèk rechèch ak etid ta fè konnen. Gen moun se nan konpetisyon menm yo ye ak bourik. Pou di n byen, gen anpil fi ki avwe yo prefere bagay la pa twò gwo, souvan l konn ba yo doulè, konsa tou gen fi ki prefere afè yo anlon e anlaj. 

Kounye a kisa k pi enpòtan nan zafè fè sèks ak yon ti peni ? Pou gason ki kwè zouti a twò piti pou yo jere patnè yo yon plezi a, nou mèt retire sa nan lespri nou. Ou pa oblije ap brase tout ti santimèt, tout ti kwen anndan fi a pou w panse w ap byen plimen l. Se pa nan kous ou ye, plezi a kòmanse yon kote ki byen senp. Nan klitoris fi a e pou l ale pi lwen nan pwen G a ki chita aprè 4 santimèt nan antre vajen an. Imajine ou rete 7 santimèt pou w jere lòt afè w. 

plisminit Èske yon nèg ti bwa ka satisfè yon fanm ?
Advertisements

Jan w sot aprann li la, depi w ka rive jere klitoris la byen ou gentan kòmanse make pwen, paske zòn sa pwovoke plezi lakay fi a fasil. E se yon kote ki aksesib menm ak yon zouti 3 santimèt. Mande tèt nou sa mesye yo, kòman medam yo san penetrasyon rive jwenn plezi ant yo menm ? Kesyon sa non sèlman fè nou souri men repons lan ap ba nou rezon pou kwè gwosè peni an pa yon pwoblèm tout bon. 

Sa ka toujou rive nou pa satisfè de gwosè a. Gen kèk solisyon ki konn pote rezilta, selon temwanyaj kèk jèn gason, gwès kakawo konn ede yo jere sa. Gen lòt ki di yo konn achte pwodui chimik pou sa, tankou luil, krèm ak konprime. 

Pou n fini, mesye yo dwe aprann vin pi jèn jan pou yo ka plis kwè nan tèt yo epi vin pi maton ak zouti a nan nenpòt gwosè l ta ye a. Li t ap enpòtan tou pou mesye yo aprann fè konesans ak kò fi yo. Fanm lan pa yon sextoy, ou pa oblije plimen l sèlman. Se pa sèl bout anba l ki bezwen atansyon, kò l mande afeksyon tou. 

 

Advertisements
Sign Up today Èske yon nèg ti bwa ka satisfè yon fanm ?

Revital Lynch
Ray est un jeune web entrepreneur et journaliste évoluant dans le monde du multimédia. Il est un passionné de la technologie et de ses sciences connexes.

Tu pourrais aussi aimer

Plus dans:NETALKOLE