Yon bon nouvèl pou kominote ayisyen an nan peyi Etazini. Gouvènman ameriken an pwolonje pwogram TPS la pou la 6 peyi nan Amerik la, pami yo Ayiti. Pwogram Estati pwoteksyon tanporè a pwolonje jiska 30 jen 2024.
Sèvis sitwayènte ak imigrasyon Etazini an deklare pwogram TPS pou peyi tankou Salvadò, Onndiras, Nikaragwa, Nepal, Soudan ak Ayiti ap pwolonje pou jiska 30 jen 2024.
Daprè Depatman ameriken sekirite enteryè a, dokiman ki te ale nan rejis federal la ta dwe pibliye ofisyèlman 16 novanm k ap vini la.
Pwogram TPS la bay moun ki benefisye l yo pèmsisyon pou travay epi pwoteje yo kont imigrasyon si peyi kote yo sòti a ap konnen de moman ekstraòdinè tankou katastwòf natirèl oubyen konfli ame.
Pwolongasyon sa se yon gwo soulajman pou moun ki te enskri nan pwogram sa, daprè Senatè demokrat Alex Padilla ki t ap mennen yon soukomite jidisyè nan zafè imigrasyon. Yon desizyon ki, daprè li, se yon pa nan bon direksyon an.
