Gang Vitelhomme lan touye yon ventèn sòlda pou Lanmò San Jou

Pooshy Rosana
Pooshy Rosana
gang vitelhomme lan touye yon ventèn sòlda pou lanmò san jou
Écoutez cet article

Depi madi pase yon gè eklate ant 2 gwoup gang ki te alye : 400 mawozo ak Vitelhomme. Suit ak divès afwontman ant bandi nan 2 kan yo, gang Vitelhomme nan ki gen nan tèt li Vitelhomme Innocent touye yon anviwon yon ventèn sòlda pou Lanmò San Jou, chèf gang 400 mawozo a. 

Depi 11 Oktòb pase yon divizyon mete pye nan mitan yo, epi pouse bandi Tosèl yo mete dòmi nan zye plizyè sòlda 400 mawozo, genyen menm yo mete lapat sou yo epi dekapite yo. 

- Advertisement -
Ad imageAd image

Nan yon videyo amatè k ap fè laviwonn rezo sosyal yo, nou te kapab wè omwen kat tèt san kò bò pye yon nonm yo idantifye kòm youn nan manb gang Vitelhomme nan. Li te deklare yo pran 4 sòlda pou gang 400 mawozo. 

Jiskaprezan 2 gwoup kriminèl yo ap toke kout zam ant yo nan lide pou wè si yo kapab pran plis teritwa, ta deja gen plis pase yon ventèn sòlda Lanmò San Jou ki mouri, daprè prezantatè emisyon Ti Koze ak TT a, Theriel Thelus.  

Aprè plizyè tan kolaborasyon Wilson Joseph alyas Lanmò San Jou ak Vitelhomme Innocent fini pa divize. Toutfwa depi dènye tan sa yo bandi Vitelhomme yo k ap okipe Tosèl, Pènye, Frè, pou n site sa yo sèlman, ap wè si yo ka pran plis teritwa sitou nan Kwadèboukè ak Petyonvil, yo menm enplike nan plizyè zak vyolans ki depase kanibalis. 

N ap raple 9 Oktòb pase a nan zòn Tosèl, bandi Vitelhomme yo te debake anndan kay yon koup ameriken ki nan retrèt, yo kidnape Jean Lucien Franklin, yon retrete lame amerikèn ki gen 87 lane, epi touye madanm li Marie Claudette Gauthier Franklin ak mete dife sou kadav la. Yo mande 300 mil dola vèt pou libere mesye a. 

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.