Gareth Bale anonse l ap bay vag nan foutbòl la  

Gabriel Emmanuel
Gabriel Emmanuel  - Rédacteur
gareth bale anonse l ap bay vag nan foutbòl la  

Aprè kèk bèl ane nan foutbòl ewopeyen an, Gareth Bale te diside al fini karyè li nan MLS sou mayo ekip Los Angeles Galaxy a, nan peyi Etazini. Jwè 33 lane a anonse jodi lendi a l ap fè yon kraze kite foutbòl la pou l ka plis konsantre l sou golf la. Ansyen jwè Tottenham ak Real Madrid la mete soulye foutbòl li nan yon kwen epi pran retrèt li 

Aprè yon bèl karyè nan Tottenham ak Real Madrid epi Los Angeles Galaxy, idòl peyi Galwa deside mete yon bout nan karyè li ak 33 lane.  

- Advertisement -
Ad imageAd image

« Aprè anpil refklesyon, m deside pran retrèt mw, ni nan klèb ak seleksyon. M santi m gen anpil chans paske m te rive jwe espò m renmen anpil la. M santi m gen anpil chans paske m reyalize rèv mwen, li ban m kèk  bèl moman nan vi m. » Se sa Galwa a fè konnen.  

Soti nan Southampton , Tottenham, Real  Madrid epi Los Angeles Galaxy, Gareth Bale fè yon gwo karyè epi pran anpil tit. 9 lane nan ekip Real la, te tombe leve akoz li t ap plede blese, men jwè  a te fè  travay li aprè gwo chèk (101 milyon ewo) pou l te kite Spurs yo nan lane 2013, sa ki te fè l vin jwè ki te pi chè nan istwa jwèt la.  

Men palmarès Gareth Bale  

Gareth Bale pran 3 Liga (2017, 2020, 2022), yon Koup Wa (2014), 3 Koup Mondyal klèb yo (2014, 2017, 2018) epi 5 Lig Champyon (2014, 2016, 2017, 2018, 2022).  

Nan sa ki gen pou wè ak gòl, estatistik Gareth Bale yo pale pou li. Sou 9 lane, Bale fè 106 gòl ak 62 pas gòl pou 258 match li jwe pou tout konpetisyon yo.  San n pa bliye, li te ede Los Angeles Galaxy pran premye tit li. Sou mayo ekip peyi li, li te toujou reponn epi konpòte l an bon kapitèn. Gareth Bale pral bay plis tan ak yon lòt disiplin espòtif li renmen anpil, ki se golf. 

 

Facebook Comments

- Advertisement -
Partagez cet article