Gaz ap debake, ratman gaz ap pèsiste 

Mackendy Filderice
Mackendy Filderice  - Rédacteur
gaz ap debake, ratman gaz ap pèsiste 

Ratman gaz la ap pèsiste nan nivo estasyon distribisyon pwodwi petwòl yo nan peyi a, espesyalman, nan kapital Pòtoprens ansanm ak nan kèk vil pwovens yo, malgre anons plizyè kamyon chajman tank  pwodwi petwòl, kap debake nan peyi a. 

Biwo Monetizasyon Pwogram Asistans Devlopman(BMPAD) te anonse ayè lendi 23 janvye 2023, 265,000 baril gaz yo t ap tann depi jedi pase a, te finalman rive lendi 23 janvye sa a nan tèminal Thor ak Vare. Daprè BMPAD nouvo kago sa a genyen an patikilye 135,000 baril gazolin ak 120,000 baril dyezèl. 

“265,000 baril pwodwi petwòl rive Pòtoprens jodi a.  Sa vle di: 135,000 baril gazolin, 120,000 baril dyezèl ak 10,000 baril gaz pou jet fuel 1”, te ekri Biwo Monetizasyon Pwogram Asistans Devlopman(BMPAD) atravè rezo sosyal Twitter lendi 23 janvye sa a. 

Kantite baril pwodwi petwòl sa yo debake nan peyi a, nan moman kote batay pou jwenn gaz ap kontinye ant chofè nan kèk estasyon gaz ki fonksyone nan zòn metwopolitèn Pòtoprens ak nan vil provens yo. Mete sou sa gen anpil konsomatè ki oblije achte gaz la nan yon pri tèt chaje sou mache enfòmèl la. 

N ap raple, chajman kamyon tank yo kontinye nan tèminal Vare.  Kote semèn ki sot pase a, 275 kamyon tank te ranpli nan sant depo pwodwi petwòl nan WINECO.

Facebook Comments

- Advertisement -
Partagez cet article
Mackendy Filderice
Par Mackendy Filderice Rédacteur
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.