Alòske anpil konpatriyòt ap chèche benefisye pwogram imanitè Biden nan, nan yon avi ki pibliye ayè lendi 16 janvye 2023 a, Ministè Afè Etranjè fè konnen Inivèsite Bernado O’Higgins nan peyi Chili ap bay etidyan Ayisyen yo bous pou al etidye nan peyi Chili san pwoblèm, nan nivo bakaloreya ak metriz pou ane akademik 2023-2024 la.
Dènye tan sa yo prèske tout Jenn kou granmoun gen yon sèl fokis, ale etazini pou kontinye ak aktivite yo. Ministè Afè Etranjè a fè piblik la konnen Inivèsite Bernado O’Higgins, nan peyi Chili, lanse yon apèl pou pwosedi enskripsyon pou pwogram bous yo espesyalman an favè etidyan Ayisyen yo pou ane akademik 2023-2024 la, ki enkli (2) bous etid nan nivo bakaloreya ak (2) nan nivo metriz.
Nan sans sa a, disiplin ki disponib nan nivo lisans lan se 15. Yo se Jounalis, Sikoloji, Travay Sosyal, Syans, Aktivite Fizik ak Espò, Jeni Komèsyal ak Endistriyèl, Jeni Sivil nan Anviwonman ak Devlopman dirab, Jeni Reyalite vityèl ak kreyasyon jwèt dijital yo, Kontablite Odit, Òtopedik ak odyoloji, Nitrisyon ak dyetetik, Terapi okipasyonèl, Chimi ak famasi, Pwogram avanse, Jeni Komèsyal, Jeni G ak Katografi.
« Disiplin yo nan nivo metriz la disponib nan lyen sa a: http//www.postgradosubo.cl, sèlman disiplin nan nivo metriz administrasyon biznis (Egzekitif MBA), doub diplòm metriz, « Murcia » ki pa ladan l epi nan syans pwodui chimik biyolojik, ” daprè presizyon avi ki pibliye a.
Pou w kalifye, kritè sa yo obligatwa
Ou dwe gen yon nasyonalite Ayisyen epi yon bon konesans nan lang panyòl, (Nivo B2 nan kad komen an, nan referans Ewopeyen an). Fòk omwen ou konn fè mwayèn 7/10, fòk ou asire w ou gen diplòm pwogram etid la egzije pou sik etid konsène yo.
“Papye yo mande w yo dwe genyen ki orijinal epi kopi, legalize diplòm lekòl segondè w ak relve nòt pou diplòm bakaloreya a anvan w enskri, ou dwe asire w ou genyen yon orijinal ak kopi legalizasyon diplòm bakaloreya a ak relve nòt dosye edikasyon siperyè pou diplòm metriz la » , se sa a nou ka li nan nòt la .
Li ta dwe remake tou, tikè avyon an, frè enskripsyon inivèsite a ak aranjman an pandan peryòd etid la se responsablite moun ki gen bous etid yo, Inivèsite a pral sèlman kouvri depans etid yo. Anplis de sa, dat limit pou soumèt dosye aplikasyon yo fikse pou 23 janvye 2023.
Facebook Comments