Jwè ki pran pi piti tan pou fè 5 gòl nan yon sèl match 

Jephte Pascal
Jephte Pascal  - Rédacteur
jwè ki pran pi piti tan pou fè 5 gòl nan yon sèl match 

Make plizye gòl nan yon sèl match pa yon bagay ki fasil menm. Men gen jwè ki tèlman bon nan egzèsis sa ki rive fè nenpòt 5 nan menm match la e yo pa pran twòp tan pou yo fè eksplwa sa. 

Fè filè a tranble 5 fwa nan yon match,  sa rete yon eksplwa. Gen yon ti kras jwè ki rive fè sa. Pèsòn pa fè sa nan pi piti tan pase Robert Lewandowski. Nan yon match kote Bayern te malmennen Wolfsburg, Polonè te fè 5 gòl nan 9 minit sèlman. 

- Advertisement -
Ad imageAd image

Sa k pi entèresan nan rekò Lewy a, se sou ban l te soti pou l vin simaye gòl epi yo t ap mennen sou Bayern avan l te monte. Moun ki vin aprè l la se Sergio Agüero. Ajanten an te fè 5 gòl nan 20 minit nan epòk li t ap jwe nan ekip Manchester City a. 

N ap jwenn Jermain Defoe nan lis sa tou. Atakan Anglè a ki te konn jwe nan Tottenham ak Sunderland te reyalize eksplwa sa nan 36 minit. Miroslav Klose, pi bon bitè istwa Koupdimonn nan, te fè kentiple a nan 39 minit lè l t ap jwe nan Lazio. 

Sa ki pi resan nan tout kentiple yo se pa Kylian Mbappé a. Se premye fwa sa rive nan karyè jèn jwè a tou. Men Kyks te pran plis tan pase lòt yo pou l fè 5 gòl li yo. Atakan PSG a fè l nan 50 minit. 

 

Facebook Comments

- Advertisement -
Partagez cet article
Jephte Pascal
Par Jephte Pascal Rédacteur
Follow:
Homme de lettres. Étudiant à la Faculté de Linguistique Appliquée de l'UEH. Rédacteur sportif de NetAlKole Media ainsi que présentateur de Pale Boul.