Kanada demanti ekzistans yon lis 800 moun li konte sanksyone

Pooshy Rosana
Pooshy Rosana
kanada demanti ekzistans yon lis 800 moun li konte sanksyone
Écoutez cet article

Anbasadè Kanada an Ayiti Sébastien Carrière pote yon demanti fòmèl ak divès enfòmasyon ki ta fè kwè gouvènman kanadyen an genyen yon lis 200 oswa 800 moun li konte pibliye nan pa twò lontan. Moun sa yo genyen non yo site nan sak pa sa an Ayiti. 

Sou kont Twitter li diplomat la ekri: « Les faits seulement : nou pa gen lis 200 oswa 800 moun pou sanksyone an preparasyon. Yon règ lalwa pa mache konsa. Fake news. » 

- Advertisement -
Ad imageAd image

Mesye Carrière deklare Kanada se yon Eta de dwa, li paka bay sanksyon konsa, san l pa respekte kad legal rezolisyon Nasyonzini deja mete an plas la.  

« Rezolisyon an tabli yon Komite Sanksyon CSNU (Konsèy Sekirite Nasyonzini), ki sipòte pa yon panèl ekspè, ki pral gen responsablite pou idantifye moun ak antite ki ta dwe sijè a sanksyon yo. Daprè règleman yo mansyone pi wo a, moun sa yo pral otomatikman resevwa sanksyon nan men Kanada. » 

Vrèmanvre, daprè gouvènman Kanadyen an, sanksyon sa yo ki gen rapò ak Ayiti te mete an vigè dapre Lwa Mezi Ekonomik Espesyal yo ak Lwa Nasyonzini an kòm repons ak aktivite gang kriminèl ak moun k ap sipòte yo pou fomente vyolans ak ensekirite. 

Sa a se yon vyolasyon grav nan lapè ak sekirite entènasyonal ki te mennen nan yon kriz entènasyonal grav. Nan dat 3 novanm 2022 a, Règleman Mezi Ekonomik (Ayiti) te antre anvigè. Nan dat 10 novanm 2022 a, Règleman ki mete an aplikasyon Rezolisyon Nasyonzini an sou Ayiti te antre an vigè. 

Règleman Espesyal Mezi Ekonomik (Ayiti) enpoze restriksyon sou operasyon, efektivman yon friz byen, ki enplike nenpòt moun ki gen non ki parèt sou lis ki etabli pou objektif sa a, se sa nou kapab wè sou yon paj wèb gouvènman Kanadyen dedye a penalite li yo. Pa janm gen okenn kesyon lis ki annatant. 

N ap raple, otorite Kanadyen ak Ameriken yo sanksyone plizyè ansyen dirijan politik ak aktyèl dirijan politik pou swadizan patisipasyon yo nan pwopagasyon ak finansman gang ame an Ayiti. Se ka ansyen prezidan Joseph Michel Martelly, ansyen minis Jean Henry Céant ak Laurent Lamothe, ansyen senatè Joseph Lambert, Youri. Latortue, pou n site sa yo sèlman. 

 

Facebook Comments

- Advertisement -
Partagez cet article
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.