NETALKOLE

Kibò santiman déjà-vu a sòti, Kisa li ye? 

kibò santiman déjà vu a sòti, kisa li ye 

Devan yon sèn oubyen yon eksperyans, nou souvan konn gen santiman nou wè sa deja oubyen nou viv sa deja san pou otan nou paka raple nou si nou te viv li deja vreman e Kibò. Sa se yon sansasyon de “déjà-vu. Kisa ki pwovoke li ? 

Déjà-vu a se enpresyon ou genyen kote wap reviv yon sèn alòske nan oumenm ou konnen ou pat viv li deja vre. Se nan sèvo a batay sa kòmanse ant santiman familyarite a ak konsyans santiman sa pa reyèl tout bon. 

Pat janm gen yon esplikasyon konkrè pou fenomèn sa. Lontan nan antikite, yo te esplike deja-vu a kòm yon rapèl moun genyen de lavi avan yo, sa yo rele vi anteryè a. Men nan lane 1876, filozòf Émile Boirac vinn itilize tèm déjà-vu a pou esplike fenomèn nan épi, tout lang pral aplike ekspresyon an jan l ye a. 

Gen etid ki reyalize pou rive konnen kisa ki pwovoke fenomèn sa nan sèvo imen an. Pou kreye sansasyon sa nan sèvo 21 volontè yo, syantifik yo site mo ba yo ki gen yon lyen ant yo tankou zòrye, kabann, nwit, rèv san pou otan yo pa di mo kle ki relye yo tout ansanm nan ki se somèy. 

Aprè, chèchè yo mande patisipan yo si yo te tande mo ki kòmanse pa lèt “S”. Yo reponn non, yo mande yo tou si yo te tande mo somèy la, yo reponn non men yo santi ke li pat etranje pou yo, yo gen yon sansasyon ke yo te tande l deja, donk déjà-vu an. 

Advertisements

Yo reyalize yon IRM sou volontè yo e vinn reyalize ke ipokanp ak lòt zòn nan sèvo an ki enplike nan memwa, pat patisipe nan fenomèn déjà-vu a men pa kont, zòn fwontal sèvo yo ki jwe yon wòl nan pran desizyon yo te aktive.  

Kidonk, deja-vu a montre konpleksite ki gen nan sèvo a e tou, li montre à klè sistèm ki verifye memwa nou an ap byen fonksyone, paske rejyon fwontal ki nan sèvo a verifye memwa nou épi sinyale konfli ki egziste ant sa nou te viv tout bon épi sa nou panse nou te viv. Li pa yon sansasyon ki vini akoz yon erè nan sèvo nou men pito li la pou pwoteje nou de fo souvni yo. Si ou gen enpresyon déjà vu, konnen sèvo w ap byen travay. 

Déjà-vu a se yon sansasyon moun ka genyen souvan, nan moman estrès ak gwo fatig, sitou kay jèn nan laj 18 a 25 lane. Li vinn mwens frekan kay granmoun yo. Yo menm sansasyon sa diminye anpil lakay la. E li pa parèt souvan tou kay moun ki soufri epilepsi sinon, yon moman avan kriz la pran yo.  

Pa gen anyen anòmal si ou gen santiman deja vu a moyenan se selman Youn oubyen 2 fwa pa mwa selman.

Facebook Comments

Sam Sarah Devilus
Journaliste / Communicatrice / Bookstagrameuse.