Lanmò Direktè Akademi Lapolis la se yon gwo pèt pou peyi a, daprè SYNAPOHA 

Mackendy Filderice
Mackendy Filderice  - Rédacteur
lanmò direktè akademi lapolis la se yon gwo pèt pou peyi a, daprè synapoha 

Sendika Nasyonal Polis Ayisyen yo (SYNAPOHA en français) denonse ak dekri kòm yon zak malonèt asasina Direktè Akademi Polis nasyonal la, komisè divizyonè Harrington Rigaud, ki te fèt nan vwazinaj enstitisyon an samdi 26 novanm 2022 ki sot pase a. 

Lionel Lazarre, kowòdonatè SYNAPOHA a, nan yon entèvansyon sou radyo “Uni Fm” fè konnen asasina Direktè Akademi Lapolis la se yon pèt pou enstitisyon an ak pou peyi a. Vrèman vre, kowòdonatè SYNAPOHA a  te kontinye pou li montre  Komisè Rigaud te plen konpetans entelektyèl ki depase fòmasyon li nan zafè sekirite piblik. 

- Advertisement -
Ad imageAd image

Yon lòt bò, nimewo 1 Sendika Nasyonal Polis Ayisyen yo te denonse gwo responsab yo nan enstitisyon Lapolis Nasyonal d Ayiti a, daprè Lionel Lazarre ki refize pran mezi pou ranfòse sekirite nan akademi nasyonal la. 

Mete sou sa, Lionel Lazarre , kowòdonatè SYNAPOHA a fè konnen  gen 50 polisye ki tonbe anba men asasen nan peyi a pandan lane 2022 a. 

“Li twòp pou Lapolis Nasyonal la deja pèdi 50 polisye pandan ane 2022 a ki poko menm fini, paske gen mwa desanm nan toujou e pèsonn pa konnen si lis polisye yo touye nan 2022 a pa pral pwolonje”, se deklarasyon Lionel Lazarre. 

Nap raple, Direktè Akademi Polis Nasyonal la, Rigaud Harrington, te tonbe anba bal Vandredi 25 novanm lan sou wout Frè, daprè pòtpawòl Polis Nasyonal d Ayiti a, Garry Desrosiers, Malfra yo ale ak machin direktè a  ak zam li. 

Facebook Comments

- Advertisement -
Partagez cet article
Mackendy Filderice
Par Mackendy Filderice Rédacteur
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.