Liverpool bay dosye Jude Bellingham nan vag

Gabriel Emmanuel
Par Gabriel Emmanuel  - Rédacteur
liverpool bay dosye jude bellingham nan vag

Jwè anglè a ki gen 19 lane, se youn nan sib anpil gran klèb ewopeyen pou mèkato kap vin la. Daprè « The Athletic » Liverpool se youn nan kandida ki retire kò l nan dosye a, paske l pap gen ren pou li konkiranse Real Madrid ak Manchester City, rezon an, klèb sa yo gen twòp kòb.

Liverpool retire kò l sou dosye transfè Anglè a, Jude Bellingham k ap evolye nan ekip Borussia Dortmund lan. Pou rezo lajan Reds yo oblije mete kò yo sou kote,  paske, yo p ap ka jere konpa sa ak Real Madrid epi Manchester City.

Real Madrid ki ap chache yon bon milye teren, pou ranplase Luka Modric, ki pap rete nan klèb la sezon kap vini an, se menm bagay la pou entènasyonal Alman an, Toni Kroos, ki poko deside pwolonje ak ‘Merengue’ yo. Posibilite pou Real siyen jwè 19 lane a nan mèkota a pandan vakans lan.

Yon lòt bò, ekip Manchester City a, kòmanse demach yo pou fè vini jwè a nan ekip Skyblues yo. Sepandan, dirijan Borussia  Dortmund yo, ap rankontre ak ajan jwè a, ki se papa li, pou Jude Belligham kapab rete nan klèb alman an.

Facebook Comments

- Advertisement -
Partagez cet article