Mèt Jacques Lafontant di li pa bay enpòtans ak rapò sètifikasyon CSPJ a 

Mackendy Filderice
Mackendy Filderice  - Rédacteur
mèt jacques lafontant di li pa bay enpòtans ak rapò sètifikasyon cspj a 

Komisè Gouvènman nan Tribinal Premye Enstans Pòtoprens lan, Mèt Jacques Lafontant, di li pa bay okenn enpòtans  ak rapò sètifikasyon Konsèy Siperyè Lajistis la a.  Komisè Gouvènman an fè konnen li pa gen entansyom demisyone nan pòs li. 

Aprè yo fin fè konnen non sètifikasyon li, komisè gouvènman an nan tribinal premye enstans Pòtoprens lan, Jacques Lafontant, miltipliye entèvansyon yo nan medya yo pou denonse desizyon CSPJ a.  Jacques Lafontant voye jete desizyon sa a, ki pou li pa gen okenn enpòtans. Avoka a te tou pwofite fè konnen li pap demisyone nan pòs li ap okipe a. 

- Advertisement -
Ad imageAd image

Nan  pakè Pòtoprens ayè lendi an, Jacques Lafontant byen avan li kòmanse jounen travay li te pran yon ti tan devan kamera jounalis yo pou l eseye jistifye tèt li.  « Mwen pa ret ak okenn nèg sou latè,  ak sèl moun mwen rete se Jezi Kris ak Ariel Henry », te deklare Lafontant tout pandan li te kontinye pou li di CSPJ pa gen dwa sètifye komisè gouvènman yo paske yo pa depann de li.   

« CSPJ gen sèlman dwa pou enspeksyon », te presize Komisè Gouvènman an. 

Yon lòt bò, Chèf lajistis la ki konteste desizyon sa a, deplore lefètke li pa t kesyone sou akizasyon yo te pote kont li an. Mèt Jacques Lafontant lonje dwèt sou ansyen minis Bertho Dorcé, daprè sa li di, se minis lan ki dèyè apwòch sa a paske li te refize obeyi yon lòd li te dekri kòm ilegal. 

N ap raple, gen apeprè 30 majistra ki pa sètifye nan men Konsèy Siperyè Lajistis la (CSPJ), daprè yon korespondans ki soti nan pi wo kò jidisyè nan peyi a ki adrese ak Minis Jistis ak Sekirite Piblik la, Emmelie Prophète Milcé.  Pami non sa yo genyen komisè gouvènman an nan TPI Pòtoprens lan Jacques Lafontant, Garry Orélien ak Jean Osner Petit-Papa.  

Daprè CSPJ a, Jij sa yo akize  de divès enpèfeksyon ak fot grav tankou absans entegrite moral, absans etik pwofesyonèl, fasilite pou lage kriminèl notwa ak kalifikasyon akademik ensifizan elatriye. 

 

Facebook Comments

- Advertisement -
Partagez cet article
Mackendy Filderice
Par Mackendy Filderice Rédacteur
Follow:
Étudiant en sciences politiques à l'Université Quisqueya, Journaliste-Rédacteur à Netalkolemedia, Publiciste, Humanitaire. Amoureux de la vie et de l'apprentissage.