Migrasyon an Repiblik dominikèn asire ayisyen ki sanksyone yo pa lakay li

Pooshy Rosana
Par Pooshy Rosana  - Rédacteur
migrasyon an repiblik dominikèn asire ayisyen ki sanksyone yo pa lakay li

Ayè madi 18 avril la, Direksyon Jeneral Migrasyon an (DGM) fè konnen pa menm youn nan 39 Ayisyen ki pran sanksyon anba men Leta Dominiken yo pa nan peyi a.

Sepandan, direktè kominikasyon antite a, Nelson Gutiérrez, fè konnen ofisyèl imigrasyon yo gen lòd pou yo arete moun gouvènman an pran sanksyon kont yo a epi voye yo lakay yo an Ayiti.

« Si nou konnen sila ki sanksyone yo sou teritwa a n ap rapatriye yo. Ajan yo gen lòd pou arete epi voye yo tounen nan peyi yo », se deklarasyon responsab la.

Toutfwa yon sous ki pa ofisyèl revele bay jounal Listín Diario mank sekirite ki genyen sou zòn fwontyè a kapab fè li pi fasil pou kriminèl yo antre an Repiblik dominikèn.

« Pwoblèm nan sèke gen kote nan fwontyè a ki pa an sekirite. Epitou, gen anpil pati ki pa sou siveyans militè », daprè sous la, ki deside pwoteje idantite li.

N ap raple, nan yon kominike Prezidan dominiken an Luis Abinader te bay Direktè Jeneral Migrasyon an, Venancio Alcántara, enstriksyon vandredi pase a pou l pa kite antre sou teritwa nasyonal la 39 Ayisyen ki reprezante yon menas pou enterè ak enstitisyon yo an Repiblik dominikèn.

Mezi sila prevwa otorite imigrasyon yo anpeche Youri Latortue antre nan peyi a. Se menm jan tou pou Gracia Delva, Liszt Quitel, Rodolphe Jaar, Bredy Charlot, Kesner Normil, Evans Paul, Assad Volcy, Jean Tholbert Alexis, Victor Prophane, Laurent Salvador Lamothe, Richard Lenine Hervé Fourcand, Rony Celestin, Gary Bodeau, Espérance Pierre, Charles Kiko Saint- Rémy, Sherif Abdallah, Arnel Belizaire, Salim Succar ak Reynold Deeb, Nénel Cassy.

Li entèdi tou Berto Dorcé, Antonio Cheramy (Don Kato), Steve Khawly, Frantz Cole, Jean Mardoché Vil, Fritz Désiré, Dieuné Day, Romel Bell, Wakin Pierre, Jhonson André (Izo), Manuel Salomon (Manno), Joselito Petit-Homme (Ti Makak), Carlo Petit-Homme (Ti Makak), Elan Luckson, Jermaine Stephenson (Gaspiyay), Albert Stevenson (Djouma), Julmé Ernst (Ti Greg) ak Woodley Ethéart (Sonson La Familia), pou yo antre an Repiblik dominikèn.

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.