Minis Edikasyon an, Nesmy Manigat resevwa move tretman anba men plizyè Ayisyen nan peyi Lafrans 

Pooshy Rosana
Pooshy Rosana  - Rédacteur
minis edikasyon an, nesmy manigat resevwa move tretman anba men plizyè ayisyen nan peyi lafrans 

Minis Edikasyon Nasyonal ak Fòmasyon Pwofesyonèl la (MENFP), Nesmy Manigat pran yon desepsyon nan men plizyè manb dyaspora ayisyen an k ap viv an Frans, nan moman li t ap patisipe nan “Salon du Livre”, nan Pari. Yo rele chalbare dèyè li paske l pa rive rann ouvèti lekòl la posib jan sa dwe fèt an Ayiti pou ane akademik 2022-2023 a. 

Plizyè moun, ki t ap patisipe nan aktivite sila, pa t mete dlo nan bouch yo pou te kritike titilè MENFP a ki pa rive, daprè yo menm, relanse nouvo ane eskolè a depi 5 septanm pase – ki te dat inisyal ouvèti klas yo ane a. Li menm ki fè pati gouvènman Ariel Henry an. 

- Advertisement -
Ad imageAd image

Depi septanm pase peyi d Ayiti te bloke akòz divès mouvman pwotestasyon ki genyen nan lari a suit ak desizyon gouvènman Ariel Henry an te pran pou ogmante pri gaz la sou mache a epi pa sibvansyone l nan ponp yo ankò. Yon desizyon ki te paralize pi fò aktivite sou teritwa, pami yo lekòl.  

Rantre klas yo pa t janm rive posib malgre divès jefò paran yo te fè pou voye pitit yo lekòl ane sa. Pa bò kote pa l, MENFP aprè echèk ouvèti 5 septanm nan, te eseye louvri klas yo 3 Oktòb pase epi an novanm, men pyès nan tantativ sa yo pa t reyisi.  

An rezon kriz k ap sakaje peyi a depi dènye ane sa yo, sitou depi aprè asasina ansyen prezidan Jovenel Moïse 7 jiyè 2021 pase a, ouvèti lekòl la se yon sijè ki bay tèt fè mal chak fwa yon moun abòde l. Vin mete sou sa ensekirite a patikilyèman zafè kidnapin nan, lavi chè, chomaj ak dola k ap souflete goud la jan l vle, tout ap vale teren.  

Pou kounya aprè plizyè mwa paralizi, lekòl la resi louvri « ti pa ti pa » jan minis Manigat te anonse li a, men se pa tout kote. Aktivite eskolè yo reprann timidman, majorite lekòl yo, pou n pa di tout nèt, mande timoun yo vini pran enstriksyon an sivil. 

Malgre tout sa yo, se pa tout paran ki nan posiblite pou voye pitit yo lekòl an rezon lavi chè a: founiti eskolè yo tèt nèg, lajan pou prepare bwat, pri kous machin se yon veritab, elatriye, se tèt chaje. Toutfwa anpil nan yo espere yo va pran men yo nan lane 2023 a. 

Facebook Comments

- Advertisement -
Partagez cet article
Pooshy Rosana
Par Pooshy Rosana Rédacteur
Follow:
Pooshy Rosana, journaliste-rédacteur à Netalkolemedia, caricaturiste et graphiste. Parallèlement, coach fitness. Adore la culture populaire, les documentaires et la musculation.