Mondyal 2022 : Cristiano Ronaldo fè gwo deklarasyon aprè eliminasyon Pòtigal la 

Gabriel Emmanuel
Gabriel Emmanuel  - Rédacteur
mondyal 2022 cristiano ronaldo fè gwo deklarasyon aprè eliminasyon pòtigal la 

Se ak dlo nan je Star pòtigè a te kite tèren stad Al Thumana, aprè ekip li te fin pèdi (0-1) fas ak ekip Mawòk la, yon ekip ki make istwa mondyal la pou 22e edisyon sa. Aprè  eliminasyon pòtigal la, ansyen jwè Manchester United la, soti nan silans li pou l di sa ki sou kè l ak sa li santi aprè ilizyon sa a nan peyi Kata.  

Pou jwè ki genyen Balon dò a 5 fwa : « rèv  la rive nan bout li »  

- Advertisement -
Ad imageAd image

Pou 5e patisiapsyon Cristiano Ronaldo nan Koupdimonn lan, potigè a te vle mete yon koup konsa nan palmarès li, sa li pa rive fè, paske ekip Mawòk la retire yo nan kadefinal ak tout foutbòl yo nan tounwa a yè samedi a.  

Se sou kont Instagram lejand pòtigè a li adrese jodi dimanch la ak pèp pòtigè a epi moun ki renmen l anpil yo.  

 » Genyen yon koupdimonn pou Pòtigal se te youn nan pi gran rèv mw e youn nan pi gran anbisyon nan karyè m. M kontan paske m genyen anpil tit entènasyonal,  menm ak Pòtigal, menm mete non peyi m pi wo nan mond lan, se te pi gran rèv mwen« . Se sa jwè a ekri sou kont Instagram li.  

Pou li ale pi lwen, li montre kijan l te gen anpil volonte ak detèminasyon pendan 5 fwa li te patisipe nan zafè mondyal ak Pòtigal.  

« Mwen te batay anpil pou rèv sa te ka yon reyalite. Chak fwa m te patisipe yo, m te fè gòl, m fè gòl nan koupdimonn lan pendan 16 lane, ak anpil gran jwè ki te la pou ede m epi tout peyi a ki tap sipote nou. M bay tout mwen menm. M pat jann di non e m te toujou ap batay, m pat janm bay rèv sa vag. »  

Jwè potigè a te kontinye mesaj li a konsa : 

« Se byen malere yè rèv la rive nan bout li. Se pa yon bon fason pou m te reyaji byen vit. M jis vle nou konnen gen anpil bagay ki te di, anpil bagay ki te ekri, e anpil tenten te pale, men sa pa te chanje motivasyon m pou ekip Pòtigal la. E m te youn nan moun ki te toujou ap batay pou objektif la menm jan ak tout lòt jwè yo, san mw pa te janm bay peyi m ak koyekipye m yo do. »  

Jwè 37 lane a poko di si l ap kite seleksyon an.   

« Pou kounya m pap di plis pase sa. Mèsi Pòtigal, mèsi Kata, rèv la te bèl anpil… men kounya nou kapab espere tan ap yon bon konseye e l ap pèmèt chak moun fè konklizyon pa yo. » Se konsa Cristiano te fini mesaj li a jodi dimanch lan. 

 

Facebook Comments

- Advertisement -
Partagez cet article