NETALKOLE

Money Honey Mike kite nou

Ansyen rapè gwoup Original Rap Staff la rann dènye souf li nan lannwit lendi 24 janvye 2022 a, selon enfòmasyon Netalkole Media rive konfime. Fanmi atis la ki te bay otorizasyon pou debranche l aprè kèk tan li te pase anba asistans respiratwa nan koma.

Jean Huberman Charles, moun plis konnen sou non Money Honey Mike, te yon rapè ki make pasaj li nan mizik ayisyen an ; espesyalman rap ak gwoup Original Rap Staff ki te gen ladan l : Top Adlerman, Worlf Cool MC, Posse X, Top Choocko.

Yo te pwodui plizyè mizik ak albòm. Pami yo, nou ka site yon mizik Tankou ‘‘à toi’’ ak albòm ‘‘Kè pòpòz’’ la ki te youn nan pi gwo referans istwa mizik rap la an Ayiti.

Advertisements

Nan lane 2013, aprè l te fin pase 20 lane lwen sèn mizikal la, li te soti yon albòm solo ki te titre ‘‘20 lane aprè’’.

Depi kèk tan, nou pa t janm gen nouvèl atis la. Menm jan ak plizyè lòt gwo non nan sektè mizikal la, Money Honey Mike te etène lopital nan yon eta kritik, se gras ak aparèy medikal li te rete vivan, selon enfòmasyon ki rive jwenn redaksyon NetAlKole Media.

Aprè tout atant, fanmi atis la te rann yo kont pa gen gwo espwa, yo te bay otorizasyon pou debranche l, konsa Money Mike etenn sou tè a pou l al viv lòt vi a.

Facebook Comments