Pakè Pòtoprens ap tann rapò sou pèsonalite ki sanksyone yo pou l aji 

Jacky Chery
Jacky Chery  - Rédacteur
pakè pòtoprens ap tann rapò sou pèsonalite ki sanksyone yo pou l aji 

Pou reponn ak kesyon sou silans aparèy jistis nou an fas ak divès sanksyon Etazini ak Kanada pran kont plizyè pèsonalite politik ak ekonomik nan peyi an, Dwayen Tribinal premye enstans Pòtoprens lan, Bernard St Vil fè konnen l ap tann rapò ULCC ak UCREF pou l aji. 

Reyaksyon yo kòmanse ap vini bò kote otorite yo an Ayiti sou sanksyon Etazini ak Kanada pran kont plizyè pèsonalite politik anndan peyi a. Aprè Ministè jistis ak sekirite piblik, Tribinal premye enstans Pòtoprens pwononse l sou dosye sa ki okipe aktyalite a depi plis pase de semèn. 

- Advertisement -
Ad imageAd image

Minis jistis la, Emmelie Prophète Milcé, te fè konnen semèn ki sot pase a gouvènman an ap mennen demach pou jwenn dosye pèsonalite ki sanksyone yo pou swivi ka fèt. Dwayen Tribinal premye enstans Pòtoprens lan, Bernard St Vil, nan bò pa l, fè konnen l ap tann rapò UCREF ak ULCC pou demare pwosedi jidisyè yo. 

Inite lit kont koripsyon (ULCC) ak Inite santral ransèyman finansye (UCREF), se de prensipal ògan Leta ayisyen genyen pou panche sou krim finansye ak zak koripsyon nan peyi a. Enstitisyon sa yo gen pou pwodui rapò epi transfere l pakè, avan pou l rive kabinè enstriksyon. 

Lis pèsonalite politik ayisyen ki sanksyone yo genyen ansyen Prezidan Martelly, ansyen Premye minis Jean Henry Céant ak Laurent Lamothe, ansyen palmantè Gary Bodeau, Hervé Fourcand, Youri Latortue, san konte plizyè gwo chèf nan Leta a ki an fonksyon. 

 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.