Plizyè sant Direksyon imigrasyon fè yon kanpe sou demann paspò yo

Jacky Chery
Jacky Chery  - Rédacteur
plizyè sant direksyon imigrasyon fè yon kanpe sou demann paspò yo

Plizyè sant Direksyon imigrasyon ak emigrasyon nan rejyon metwopolitèn lan fè yon kanpe sou resevwa demann paspò yo jodi vandredi 20 janvye a menm daprè yon nòt ki sòti nan Ministè enteryè ak kolektivite teritoryal. 

Direksyon jeneral imigrasyon ak emigrasyon enfòme piblik la an jeneral, moun k ap fè demann paspò yo prensipalman, pou fè konnen sèvis sa kanpe nan sant sa yo ki twouve yo nan Petyonvil ak biwo santral la ki sou wout Lali an. 

- Advertisement -
Ad imageAd image

Daprè nòt sa ki pibliye sou rezo sosyal yo, Direksyon jeneral imigrasyon ak emigrasyon fè konnen desizyon sa pran nan lide pou jere pi byen kantite demann paspò yo ki vinn pi plis dènye jou sa yo avèk sitou dènye pwogram migrasyon administrasyon Biden lan. 

Pou konble vid sa nan zafè demann ak livrezon paspò yo, genyen plizyè lòt sant ki mete sou pye toujou nan rejyon metwopolitèn lan pou ofri sèvis sa ki konnen yon ogmantasyon san parèy nan demann paspò yo atravè tout biwo imigrasyon yo. 

Genyen twa (3) nouvo sant imigrasyon ki mete sou pye nan rejyon metwopolitèn lan ki se Gymnasium Vincent, Pak Sainte Thérèse ak Pak endistriyèl SONAPI. Daprè nòt la, de premye yo ap kòmanse bay sèvis apati lendi 23 janvye, dènye an ap louvri nan mèkredi 25. 

« Mete sou sa, kontribyab Pòtoprens ak zòn ki sou kote l yo, toujou ka ale nan sant ki Dèlma 31 an, oswa sa ki nan ri Lama sou Channmas lan ak sant Direksyon imigrasyon ak emigrasyon ki sou wout Taba a pou depoze demann paspò yo tou», sa nou kapab li nan nòt sa. 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.