Yon gwo atis fè Roody RoodBoy yon kado pou fèt li, èske se ta Rutshelle ?  

Revital Lynch
Revital Lynch
yon gwo atis fè roody roodboy yon kado pou fèt li, èske se ta rutshelle
Écoutez cet article

Roody RoodBoy, pou fèt li jounen 27 jen 2022 an, deside fè menm jan ak atis nijeryan yo rele Davido a, li lanse yon rekèt kote li mande chak fanatik li fè l kado yon dola, nan mwens pase 24 è, atis la poste sou Twitè plizyè don yo fè l, men se pa sa ki rete bòz jounen an. Nan yon grenn pòs, Roody ta pral atire atansyon plis toujou…  

Bonè nan maten 27 jen an, Roody RoodBoy lanse yon rekèt pou jou anivèsè li, li mande chak fanatik li fè l kado yon dola, sou cashapp, zelle ak moncash. Sa pa t pran anpil tan, atis la te kòmanse poste chak eskwinshòt moun ki te fè don ak li, gen sa ki te bay yon dola, 15, 20, 50, 100 dola ak plis toujou. Gen moun ki bay lajan sou moncash an goud ak chèk plizyè milye goud tou.  

- Advertisement -
Ad imageAd image

Youn nan premye bagay ki te attire atansyon tout moun se paske atis la pa t deside pran bòn fèt nan men pèsòn san w pa bay dola a pou pi piti. Nan yon lòt bò, sa ki te atire atansyon plis toujou, se lè Roody RoodBoy te poste : Gonw gwo atis ki fem kado laa m sote…  

Konsa, aprè Roody fin fè pòs la, kesyon ak sijesyon anvayi nan kòmantè anba pòs la… Gen anpil non atis ki site pami yo non Rutshelle. Men sa ki te sitou parèt enteresan se pòs Rutshelle Guillaume te fè kèk 20 minit apre a kote l te di : De rien… ak yon emoji yon klen dèy…   

Èske se vre Rutshelle ta fè Roody RoodBoy yon gwo kado pou fèt li ? Antouka, atis la pa poste kado a, kòm se lajan li te mande, li pa di si se lajan ni kisa l ye e si se lajan san dout sòm lan wo anpil si nap konsidere pòs li te fè aprè l te fin resevwa mil dola a. Si telefòn lan pa dechaje, Roody ta dwe retire sispens lan epi pataje rès nouvèl la ak fanatik li yo.  

Pou rapèl aksyon sa sanble tèt koupe ak taktik atis Davido te fè jou ki te 19 novanm 2021 an, kote l te pataje nimewo kont li gen labank epi mande fanatik li yo sipòte l pou l te ka kolekte 242 000 dola ameriken pou l retire machin li, yon Rolls Royce ki bloke nan pò. Koz pa Roody a poko fin klè nèt, rezon sa pouse yon entèwogasyon : èske se pa aprè li te fin pèdi lajan sou kont bank li an lide sa ta vini ? 

Facebook Comments

Partagez cet article
Revital Lynch
Posté par Revital Lynch
Follow:
Ray est un jeune web entrepreneur et journaliste évoluant dans le monde du multimédia. Il est un passionné de la technologie et de ses sciences connexes.