Yon gwo kou pou sektè touristik la an Ayiti ki kontinye ap plonje 

Jacky Chery
Jacky Chery  - Rédacteur
yon gwo kou pou sektè touristik la an ayiti ki kontinye ap plonje

Enstabilite politik, twoub sosyal, epidemi kolera, se kèk tèm ki kapab rezime ane 2022 a ki prale. Yon seri pwoblèm anndan peyi an ki lakoz sektè touristik la konnen yon degringolad jiska 75% pandan ane 2022 an daprè dènye chif IHSI pibliye yo. 

Enstiti ayisyen estatistik ak enfòmatik rann piblik ayè dimanch 25 desanm lan yon seri done sou aktivite touristik yo an Ayiti ki degringole pandan ane 2022 an kote peyi an resevwa sèlman 37,096 touris sou tout ane an, lwen dèyè ane avan yo. 

- Advertisement -
Ad imageAd image

Daprè IHSI, peyi yon konnen yon degringolad tèt chaje pou ane 2022 an nan zafè touristik avèk 37,096 touris ki vizite Ayiti pandan peryòd sa, yon chif ki reprezante yon bès 75%, konpare ak 2021 ki te gen 148,355. 

Yon chif ki nan yon tandans bès ane aprè ane kote nan ane 2015-2016 yo peyi a te anrejistre plis pase 500,000 touris ki te vizite Ayiti pandan peryòd sa. Nan entèval setan, peyi a konnen yon degringolad konsiderab nan kantite moun k ap rantre vin vizite l. 

Yon sitiyasyon ki rive deteryore akoz kondisyon sekirite yo nan peyi an k ap degrade jou aprè jou avèk kidnapin, asasina tribòbabò, kote prèske chak katye jounen jodia sou kontwòl yon gwoup ame. 

Pandan aktivite touristik yo pa sispann degringole an Ayiti, se nètman kontrè a lòtbò fwontyè a, an Repiblik Dominikèn, ki jounen jodia se premye destinasyon touristik nan karayib la. 

 

Facebook Comments

- Advertisement -
Partagez cet article
Jacky Chery
Par Jacky Chery Rédacteur
Follow:
Étudiant en Communication Sociale et en Sciences Juridiques à l'UEH, également Journaliste-redacteur à Netalkole Media. Un passionné de l'écriture et de la lecture.